Song no. 8 from the collection Réédition Fr. Seguin, 1856, n° 67 by Nicolas Saboly (attribution à Puech rapportée par le père Bougerel, citée par Fr. Seguin) (dates inconnues), published in publié post mortem. Public domain. Source spelling: mistralienne, reproduced unchanged.
Text
Sus ! campanié, revihas-vous !
Lou jour parèis, l’aubo es levado,
Veici l’urouso matinado
Mounte devèn renaisse tous.
Diéu vèn, e pèr soun arribado,
Sounas la proumiero sounado !
Fès que la grosso sone avan.
Din, don, din, dan !
Digue, digue, digue dan !
Din, don, din, dan !
Diéu s’es fach enfant
Pèr sauva lou gènre uman.
Din, don, din, dan !
Foro, Satan (bis)
Plus gis de guerro ! (bis)
Que tout sie nóuvèu ;
La glòri au Cèu
E la pas sus la terro !
La perlo ei raioun dòu soulèu
Se formo dedins la couquiho :
Diéu s’es fourma dins uno fiho
Pèr un astre plus grand qu’aquéu ;
Enfin, en aquesto journado,
Aquelo perlo s’es fourmado
Pèr lou pres de nosto rançoun,
Din, dan, din, doun !
Digue, digue, digue doun !
Din, dan, din, doun !
Veici lou segound,
Qu’es en formo de trignoun.
Din, dan, din, doun !
Foro, demoun ! (bis)
Plus gis de guerro ! (bis)
Que tout sie nouvèu,
La glòri au Cèu
E la pas sus la terro !
Courage ! veici la clarta :
Diéu la dono à sa creaturo,
Li a plus de nue dins la naturo,
Ni d’oumbro, ni d’escurita :
Sus, doune pèr la joio publico,
Viòuloun, auboues, basso e musico !
Jougas-li tous un carrihoun.
Din, dan, din, doun !
Digue, digue, digue doun !
Din, dan, din, doun !
N’es-ti pas resoun
De recounèisse un tau doun ?
Din, dan, din, doun !
E leissen dounc (bis)
Lei causo vano, (bis)
E que nòstei cor
Sonon plus fort
Que toutei lei campano !
Tafort ! anen, fau mai souna !
Gros campanié, prenès courage !
Que Diéu benigue voste óubrage :
Per reculi, fau samena.
Din, dan ! aurés la bono estreno,
La cachomaio sera pleno :
Es aujourd’uei lou jou de l’an.
Din, dan, din, doun !
Digue, digue, digue doun !
Din, dan, din, doun !
Lei bèus escut blanc
Que toumbon dins vòstei man !
Din, doun, din, dan !
Que d’escut blanc ! (bis)
N’aurés de rèsto... (bis)
Acò’s proun souna,
Venès dina
Pèr acaba la fèsto.
English translation of the full text forthcoming.
Notes
This nouvè calls on bell-ringers to celebrate with their carillon the birth of God made child, using onomatopoeia imitating the ringing of bells ('Ding, dong, ding, dang'). Each verse develops an image of the Nativity (the pearl born in its shell, the light that dispels all darkness) before returning to a refrain banishing Satan and proclaiming peace on earth. The last verse, more down to earth, encourages the ringers to hope for a good New Year's tip for their trouble. Published after Nicolas Saboly's death.
Notable words
| Provençal | French |
|---|
| campanié | sonneur de cloches, carillonneur |
| revihas-vous | réveillez-vous |
| couquiho | coquille |
| trignoun | forme de carillon, deuxième sonnerie |
| estreno | étrenne |
Glosses are given in French, as delivered by our lexicographic source; an
English gloss is not yet available for these words.
Source: Nicolas Saboly (attribution à Puech rapportée par le père Bougerel, citée par Fr. Seguin), Réédition Fr. Seguin, 1856, n° 67, publié post mortem,
song no. 8. Public domain. Digitization:
http://mtcn.free.fr/lyrics/sus-campanie-revihas-vous-carilloneurs-reveillez-vous.php?lng=fr. Transcription and formatting by Lingua Nostra.