The Grasse Noël

Felipe, emé soun courrié, Venié de la Gardo. Tout d’un còu vers Sant-Varié, Planto sa guimbardo. Entènd uno vous d’en aut Qu’ei dis : « Souflo toun fanau E vai di, di, di, E vai re, re, re, E vai di, E vai re, E vai dire ei pastre De suivre aquel astre. » Lou vièi Felipe estouna Enausso la tèsto, Vé lou ciel illumina Coumo un jour de fèsto. Alor parte vers la mar En cridant ei mountagnard E toui lei ma, ma, E toui lei sa, sa, Toui lei ma, Toui lei sa, E toui lei masage Qu’a sus soun passage. Sei Grassenc soun sei premié À si metre en routo. Aganton sou fassumié E meton clau souto. Cu si cargo de parfum, Cu si cargo de fassum E de fou, fou, fou, E de ga, ga, ga, E de fou, E de ga, E de fougasseto Pèr fa la sauceto. Vaqui veni lei Mouanenc Drech coumo de cierge. Soun toutei carga de sèn Pèr pourta à la Vierge. Sabon qu’en gachant darrié Tout lou sèn s’escaparié. Viron pas, pas, pas, Viron la, la, la, Viron pas, Viron la, Viron pas la tèsto E lou sèn li rèsto. De Mougins an toui sourti Coumo poudès crèire, Mai quand soun a Tournami Si viron pèr vèire S’es bèn verai que Mougins Es pu bèu fouòro que dins Vo s’es un òu, òu, Vo s’es un tra, tra, S’es un òu, S’es un tra, Vo s’es un òutrage Qu’an fach au vilage. Lei Bioutenc à Betelèn Van pèr rèndre glòri E li pouòrton pèr presènt De jarro pèr l’òli. Pouòrton aussi de jarroun Pèr coula lei pedassoun Pèr quand l’a, l’a, l’a, Pèr quand l’acou, cou, Pèr quand l’a, Pèr quand cou, Pèr quand l’acouchado Fara la bugado. Castèunòu s’es assembla Au soun dei campano. Pourtaran doui sa de blad Cuhi dins la plano E quauqui bariéu de vin Dòu plantié dòu medecin. Puis musi, si, si, Puis muco, co, co, Puis musi, Puis muco, Puis musico en tèsto Parton pèr la fèsto. Lei canoun de Plascassié An fa la bravado. Lou cura, lou counseié Tènon assemblado. An decida de pourta Lei cors-sant de sant Dounat E de sant, sant, sant, E de Bra, Bra, Bra, E de sant, E de Bra, E de sant Brancàci Per demanda gràci. D’en tout païs, d’en tout lùou Ven de caravano, À pèd, sus d’ai, sus de muou, Toutei van vers Cano. Lei patroun sus sei batèu Embarcon aquéu troupèu E toutei fan, fan, E toutei ve, ve, Toutei fan, Toutei ve, E toutei fan velo En suivènt l’estello. Mai lei paure mountagnard Dins la traversado Pau ou proun crègnon la mar E fan de fusado. Quant à Felipe, lou couchié, Noun si crèi fouòro dangié, Paure mi, mi, mi, Paure se, se, se, Paure mi, Paure se, Paure miserable, Qu’en sentènt l’estable.