Mary Magdalene

Mario Madaleno, La pauro peccairitz, S'en vai, de pouert’ en pouerto, Cercar Diou Jesus-Christ. Pass’ à-n-uno capelo . Jesus l'y ero dedins, Doou ped piqu” à la pouerto : — Jesus, venetz durbir. Sant Jean di à Sant Peyre: Regardo qu es aquit ; — Es Marie Madaleno La pauro peccairitz. — Mario Madaleno Eici que venes far ? — Seignour Diou, moun bouen paire, Me vene counfessar. — Ah! digo, Madaleno, Ah ! digo tes peccats ; — N'ai tant fach et fa faire Les pourriou pas noumbrar; La terro que me pouerlo Me deurie plus pourtar, La vill’ ounte siou nado Se deurie proufoundar. — Sept ans souto la baumo Te foudr’ ana’ estar. Au bout de sept anneios Jesus-Christ l'y a passat. — Mario Madateno, De que tu n'as viscut ? — Deracinos sauvageos Et n’ai pas toujou’ agut; — Mario Madaleno, De qu'aiguo n'as begut ? — N'es d’aiguo trebourado. Et n'ai pas toujou’ agut. Seignour Diou, mouen bouen paire, Mes mans voudriou lavar; Jesus piqu’ à la roco, D'aiguo n’en a rajat. — Ai! belo man blanqueto, Blanco coumo lou lach : Fresco coumo la roso, Qu t'a vistet te vei! — Mario Madaleno, Tournes dins lou peccat, Sept ans às resta ’n baumo, Sept ans l'y tournaras. — Seignour Diou, moun bouen paire Coumo pourrai l'y ‘star ?: — Ta souere. Santo Martho T'anara counsoular ; La blanco coaloumbelo Te pourlar’ à dinar, Et les auceous que pitoun T'anaran abeurar. — Seignour Diou, moun bouen paire, Me l'y fetz plus tournar, Des larmos de mes uelhs Les mans me lavarai, Des larmos de mes uelhs Les peds vous lavarai, Des chevus de ma testo Vous les eissugarai.