The Windmill

Dedins noste païs avèn subre la colo Un vièi moulin de vènt Que l’auro ié counvèn ; Entre que li calour an seca li regolo. Lou móunié ‘mé, soun fiéu I’é trèvon dins l’estiéu ; Lou guidoun, quand dins lis èr tremolo, Senso mai espera, Lou van faire vira. Lou drole jouine e fort.jusqu’i couide s’estroupo, Agante lou barroun Qu’es vers lou fenestroun ; A vira la capoucho emé vigour se groupo : La vòu metre de biais Pèr faire proun travai : - Enca’n pau ! prenen lou vènt en poupo ! Ansin disié lou vièi Que saup ço que n’en èi. - Despacho-te, moun fiéu, mounto sus li enteno ; E sènso perdre alen, Fau metre velo en plen ; Escouto un pau lou vènt que dins lis éuso aleno ; Segur aquesto niue Noun pourren plega l’iue ; Lou travai, que noun te fague peno : I’a proun qu’avèn rèn fa, Laisso lou vènt boufa. Iéu m’envau d’aquest pas pèr blouca la courrejo : Finirai d’enchapla Pèr miéus trissa lou blad ; Pièi pausarai d’aploumb la pèiro toujour frejo ; Sabes que nous n’en coui, Quand roto sus soun moui. Tron de goi ! Lou chaland que pounchejo ! De blad n’adu ‘n sestié, Camino voulountié. - Bon-jour, bràvi mounié ! Veniéu faire farino : Ai vist d’aperalin Vira voste moulin. Se vous fasiéu pas mai, n’ai enca sièis eimino ; Se lou bon Diéu lou vòu, Lis adurrai dijòu. Mis enfant - amount fan tristo mino, Avèn plus gens de pan, Nous fau couire deman ! - Subran li gai móunié van empli l’entremueio Despènjon lou caiau, La man sus l’agüiau ; Fasènt son pichot trin, se trufon de la plueio Autant que di mourven Que i’a long di devens ; Se la som - quauco fes li enueio, En estènt en repaus Tubon lou cachimbau.