The harvesters' grace

Lou premier en prencipi Que Jesus-Christ a fach, Jesu' à crea lou ciel, Lou ciel et mai la terro, Pais a crea Adam Et nouestro maire Evo. Quand Diou a crea Adam L'a mes dins soun jardin, L'a mes dins soun jardin Au Jardin des Ooulivos, Puis li a defendu Lou noble fruit de vido. Satan ven tentar Evo Et nouestre pair' Adam : — Adam mangeo doou fruit Que n'es tant admirable, Et tu ressemblaras Au verai Diou semblable. Adam n'en prend la poumo N'en mouerde un mouceou, L'angi li a pareissut Li a dit : que penses fairo, Passes les coumandaments Doou verai Diou toun pero. Adam per ta grand faut Tu vendras a mourir, Tu vendras a mourir Faran ta sepulturo, De ta bouco sourtran Tres aubres d'avanturo. Aqui l'y aura fa palmo Et l'autre l'ooucypres Et l'autre l'ooulivier, D'ounte la crous s'es fæito, Ount' ant crucifiat Lou verai Diou toun maitro. Adam per ta grand fauto Anaras per pays, Anaras per pays Cercar ta pauro vido, Perqu'as vougu mangear Doou noble fruit de vido. Au plus haut des mountagnos Dessus d'un grand coulet, Dessus d'un grand coulet Ount' ant fach lou Calvero, Ount' ant crucifiat Lou verai Diou toun pero. La Santo Viergi Mero Li vai apres plourant, Mai se li a dit : moun Fiou! Li a dit : plet-il, ma Mero, Fau mourir sur la crous Per oubei' à moun Pero. Aquestes gracis sount dichos Au noum doou Per', au noum doou Fils, Que touto la coumpagnio Rende graci a Jesus-Christ ; Adourem devotomént Jesu' eme Mario. Adourem devotoment Jesu' et lou Sant Sacrament. Grand ben fass'à nouestre mestre A nouestro mestress' aussi, Que touto la coumpagnio Rende graci à Jesus-Christ : Vous demandem ben excuso Vous demandem ben pardoun, Se leissem quauques espigos S'apprend ben es cadelouns. Avertirem nouestre mestre Que fasse de bouens taillouns, Et se la mestresso groundo Que li doune doou bastoun. Aro n'en serie ben juste N'en serie ben de resoun, Que nous fessiatz un pau boiro Coumo n'en ven d'oou canoun. Adourem devotoment Jesu eme Mario, Adourem devotoment Jesu et lou Sant Sacrament.