The Territorial Regiment at Aix

Lou crid d’èstre sóudard pertout se fai entèndre, Li gènt qu’es noste tour devèn faire atencioun ; I rode designa devèn tóuti nous rèndre, Senoun sarian mau vist de touto la nacioun. Siguen fidèu pèr la Territourialo, Siguen fidèu E marchen coume se dèu. Se d’ome de trento an nous fau leissa ‘no femo, ’Mé dous o tres enfant poulit coume lou jour, Dins mens de quinge jour, lis iue plen de lagremo, Segur li reveiren, nous riran à l’entour. Se de bràvi bouié, nous fau leissa l’araire, Es noun qu’à l’aveni pousquen mens prouspera, Es pèr que, se vesian la Franço nosto maire À l’ouro dóu dangié, pousquessian l’apara. Quand de nòsti fusiéu escupiran li balo, Es noun pèr nous aprene à tua de mouissau, Es pèr, se quauque jour vesian la Capitalo, Dins de tèms malurous, soustenguessian l’assaut. Nàutri li rejitoun de là Prouvènço amado, Souto soun caud soulèu degun nous fara pòu ; En estènt bèn unifourmaren uno armado, Pèr baia noste sang dins un grand jour de dòu. De faire soun devé fau que cadun se pique. Que sièr de s’atrista quand Diéu lou vòu ansin ! Lou mai es quand courrèn au pas gimenastique, De liuen sèmblo, verai, que chauchan de rasin. Que la Patrio en pas, que vèi de tàli causo, Comte sus nosto ardour, car tóuti lou disèn ; Se sian souto la lèi, noun es nautre l’encauso ; Se sian de vièi sóudard, avèn que mai de sèn. Siguen fidèu pèr la Territourialo, Siguen fidèu E marchen coume se dèu. Tèste integrau Centre International de l'Écrit en Langue d'Oc Sèti souciau: 3, plaço Joffre - l3l30 Berro. Tóuti dre reserva - Tous droits réservés - All right reserved. © Centre International de l'Écrit en Langue d'Oc -2000 © Adoubamen dóu tèste, de la meso en pajo e de la maqueto pèr Tricìo Dupuy, en sa qualita de Direitriço dóu Counsèu d'Amenistracioun