The Gas

Souto la capo doou souleou L'a d'urous que lei fieou dé pipi. Qué ti dirai ? viro pa beou ! Despui toun viagi , brave Zipi , Soun desesca , tei poourei quiqui ! Nous an foutu lou coou parfè , Oh ! mai dé qué maniero ! . . . Aqueou mangeo-san dé Pouarfè , Aqueou brandur dé Mèro , ( Douei restan dé galèro ! ) Per desavia nouste péis , Pa counten d'estraïa la brazo •, Nous an fa veni dé Paris Un lume qué li dien l'Agazo. . . Mai sé sabies cé qu'es l'Agazo ! Bougro d'Agazo ! Putan d'Agazo ! Magino-ti qu'ei gran quartié Vies uno longuo tirassiero Dé gro foutraou dé bistortié Qu'aclapoun dé siei pan dé terro ; Alin dedin l'a la matiero. Es pa d'oli ; es pa de seou ; Diria pa qué bouleguo , Esquïo mai qué d'argen vieou ! . Vira l'uei , fa uno lèguo. Aquelo si, qu'empeguo! E dé suito qué ven la nué , Din dé veire coumo d'avazo Vies espousqua un jué-d'aiguo dé fué. E vaqui cé qu'es , soun Agazo ! . . . N'ai plen leis doousso , dé l'agazo ! Bougro d'Agazo ! Putan d' Agazo ! Meme à l'enclaou de Moussu Tian , Oou camin dé la Joulieto , Dé Franciò , dé breguetian Fabriquoun la droguo secrèto. N'en counoueissi pa la recèto ; Mai duou restre urt mooudi pouioun ! Soun jus , lon la muraïo , Rageo pu negre qu'un carboun ; Eissoto s'esparpaïo , Pui , la mar va rabaïo ; E doou Barri eis Enfiermarié , Su lei pouncho vo din leis craso , Sé fas un pei , es dé fumié : V'a tou poustifera FAgazo ! poustèmo dé Dieou d'Agazo ! Bougro d'Agazo ! Putan d'Agazo ! Ai la pratiquo d'un Moussu Qué paguo ben , mai qu'es pa tendre ; Mi crompo fouesso mourre-du , E tou lou pei qué pouedi prendre Lou dimècre vo lou divendre. Adavanzier, dé fieoupelan Avieou fa ma banasto , La pouarti leou à moun chalan , N'en douarbe vun , lou tasto , E subran mi di : basto ! Voues m'empouisouna , maquareou ! As esca dé quitran , zé gazo ! . . . Oou large ! é vengues plu , bourreou ! Vaqui cé qué m'a fa l'Agazo ! . . . O pessin dé fremo d'Agazo ! Bougro d'Agazo ! Putan d'Agazo ! En soutan d'ooussin , ten passa , En fen per aqui quoouqueis muscle , Nous arribavo d'amouessa Noueste goouzié , quan sentié l'uscle , Vivian chin-cherin senso ruscle ; Mai , per lou coou , adieou mei uou ! Adieou , blanquo mounisso ! Adieou flamei basse dé buou ! Toumban dé la tooulisso ! N'an garça la sooucisso ! N'avié pa, proun doou Ginouves , Mouestre bandi qué nous escrasa, Per acaba lou Marsïes Li foulié encaro soun agazo ! . . . A Gèno ! leis marchan d'agazo ! Bougro d'Agazo ! Putan d'Agazo ! Aro , qué faran Tebelein , Chèchi , Jané , Mècle , soun fraire , Cieouclé , Mietaioun , Gèto , Nin ? Qué faran toutei lei soutaire , Per pa mouri dé fan , pechaire ! Pouden plus restre escoubiié , Tan-paou espïo-rosso : An arrenta aquelei mestié En dé gouapou à carrosso , Qué doou paoure fan bosso ! Ensin , per mettre d'oli oou blé , Sé sa micaniquo noun raso , Fourra qu'alounguen lei cin dé , E va duourren à soun Agazo ! . . . guïoutinuzo d'Agazo ! Bougro d'Agazo ! Putan d'Agazo ! Mai vendra ben , lou tramblamen , Per nou tira dé la misèri ! Clapié dé piaffou ! vou daren Eme vouesti borneou dé ferri , Alor , d'Agazo un fier cristèri ! . . . Vouei , oouré bèlo creida oou lar , V'aplatiren la figuo ! Foou qué d'Agazo lou petar Devesse seis boutiguo , N'en fasse millo briguo ! . . . Alor , tamben à noueste tour Diren : Zèno ! pa balïazo ! . . . Nous a suça nouesto suzour ; N'a voula noueste pan , l'Agazo ; Mai vui noun revengeo l'Agazo ! Vivo PAgazo ! Vivo l'Agazo !