Song no. 9 from the collection Lei noé de San Pierre, 2e cahier (Avignon, Pierre Offray, 1669) ; réédition Fr. Seguin, 1856, n° 14 by Nicolas Saboly (dates inconnues), published in 1669. Public domain. Source spelling: mistralienne, reproduced unchanged.
Text
Chut ! teisas-vous : m’es avis qu’ause uno voues,
(Écho)
M’es avis qu’ause uno voues.
Es l’Ecò, la babihardo,
Que resouno dins lou boues,
(Écho)
Que resouno dins lou boues.
Tararo poun poun ! Tararo poun poun !
(Écho)
Tararo poun poun ! Tararo poun poun !
Coumpagnoun, prenès bèn gardo
Que n’arribe rèn à nostei moutoun,
(Écho)
Que n’arribe rèn à nostei moutoun.
Qu’es tout eiçot ? Es belèu d’enfantarié,
(Écho)
Es belèu d’enfantarié.
— Crese pas, car lei troumpeto
Soun de la cavalarié,
(Écho)
Soun de la cavalarié.
Tararo poun poun, etc.
De sòudard la costo èi neto,
La pas èi pèr tous caires e cantoun,
(Écho)
La pas èi pèr tous caires e cantoun.
Es bèn resoun qu’un chascun parle à soun tour,
(Écho)
Qu’un chascun parle à soun tour.
Es quauque courrié que passo,
Que vai o vèn de la court,
(Écho)
Que vai o vèn de la court.
Tararo poun poun, etc.
Es lou Grand Venur que casso,
Que dono dòu cor, lou counèisse proun.
(Écho)
Que dono dòu cor, lou counèisse proun.
Li a quaucarèn que n’avèn pas devina,
(Écho)
Que n’avèn pas devina :
Vese dòu coustat dòu polo
Tout lou cèu enlumina.
(Écho)
Tout lou cèu enlumina.
Tararo poun poun, etc.
Vesès-vous acò que volo ?
Sèmblo tout-à-fèt un poulit garçoun,
(Écho)
Sèmblo tout-à-fèt un poulit garçoun.
Paurei bergié, vàutre sias bèn estouna !
(Écho)
Vàutre sias bèn estouna !
Auto ! prenès bon courage,
Car lou Fiéu de Diéu es na,
(Écho)
Car lou Fiéu de Diéu es na.
Tararo poun poun, etc.
Vèn vous tira d’esclavage
E douna soun sang pèr vosto rançoun,
(Écho)
E douna soun sang pèr vosto rançoun.
English translation of the full text forthcoming.
Notes
This nouvè shows a shepherd who, hearing a mysterious sound in the woods, attributes it in turn to an echo, to military trumpets, to a royal courier, before understanding it to be the angelic announcement of the Son of God's birth. The repeating echo device, marked at the end of each line, musically imitates the acoustic phenomenon itself. Published in 1669 in the collection Lei noé de San Pierre.
Notable words
| Provençal | French |
|---|
| ecò | écho, nymphe des sources et des forêts dans la mythologie grecque |
| babihardo | babillarde, bavarde |
| courrié | courrier, messager |
| esclavage | esclavage |
Glosses are given in French, as delivered by our lexicographic source; an
English gloss is not yet available for these words.
Source: Nicolas Saboly, Lei noé de San Pierre, 2e cahier (Avignon, Pierre Offray, 1669) ; réédition Fr. Seguin, 1856, n° 14, 1669,
song no. 9. Public domain. Digitization:
http://mtcn.free.fr/lyrics/chut-teisas-vous-taisez-vous.php?lng=fr. Transcription and formatting by Lingua Nostra.